ماہرہ خان کی حمایت کے بعد سلمان خان کا پاپارازی رویے پر سخت ردعمل

 کراچی ( شو بز ڈیسک)پاکستانی اداکارہ ماہرہ خان نے بالی وڈ اداکار سلمان خان کے حق میں آواز اٹھاتے ہوئے ہسپتال کے باہر پاپارازی کے رویے پر تنقید کی ہے۔یہ واقعہ اس وقت پیش آیا جب سلمان خان ہسپتال میں ایک عزیز کی عیادت کے بعد باہر نکلے تو فوٹوگرافروں نے ان کا مسلسل پیچھا کیا اور ان کی نجی زندگی میں مداخلت کی کوشش کی۔ اداکار نے اس رویے پر برہمی کا اظہار کرتے ہوئے اسے غیر مناسب اور غیر حساس قرار دیا۔ماہرہ خان نے سوشل میڈیا پر ویڈیو شیئر کرتے ہوئے مختصر انداز میں ان کی حمایت کی، جسے مداحوں نے دونوں فنکاروں کے درمیان احترام اور ہم آہنگی کی علامت قرار دیا۔بعد ازاں سلمان خان نے بھی اپنے بیان میں کہا کہ نجی زندگی کا احترام ضروری ہے اور ہر لمحے کو خبر یا سنسنی بنانا درست عمل نہیں۔ انہوں نے کہا کہ انسان کو کبھی کبھار اپنی ذاتی زندگی میں سکون کی ضرورت ہوتی ہے۔