ویرات کوہلی کی شاندار اننگز، بینگلور مسلسل دوسری بار آئی پی ایل چیمپئن

 ممبئی:انڈین پریمیئر لیگ (آئی پی ایل) 2026 کے فائنل میں رائل چیلنجرز بینگلور نے شاندار کارکردگی کا مظاہرہ کرتے ہوئے مسلسل دوسری مرتبہ ٹائٹل اپنے نام کر لیا۔احمد آباد کے نریندر مودی اسٹیڈیم میں کھیلے گئے فائنل میچ میں سب کی نظریں اسٹار بیٹر Virat Kohli پر مرکوز تھیں، جنہوں نے ناقابلِ شکست 75 رنز کی دلکش اننگز کھیل کر اپنی ٹیم کو یادگار فتح دلائی۔کوہلی نے میچ کے دوران آئی پی ایل کی اپنی تیز ترین نصف سنچری مکمل کی اور ایک شاندار چھکے کے ساتھ میچ کا اختتام کرتے ہوئے اسٹیڈیم میں موجود شائقین کا جوش و خروش عروج پر پہنچا دیا۔فائنل مقابلہ دیکھنے کے لیے ہزاروں مداحوں کے ساتھ ان کی اہلیہ Anushka Sharma بھی اسٹیڈیم میں موجود تھیں۔ میچ کے دوران ان کے جذباتی اور خوشی بھرے لمحات کی ویڈیوز سوشل میڈیا پر تیزی سے وائرل ہو رہی ہیں۔فتح کے بعد ٹرافی کی تقریب میں انوشکا شرما بھی میدان میں موجود رہیں اور ٹیم کے جشن میں بھرپور انداز میں شریک ہوئیں۔وائرل ہونے والی ایک ویڈیو میں دیکھا جا سکتا ہے کہ فتح کے بعد ویرات کوہلی جذبات پر قابو نہ رکھ سکے اور ان کی آنکھوں سے خوشی کے آنسو نکل آئے، جنہیں انوشکا شرما محبت بھرے انداز میں صاف کرتی نظر آئیں۔یاد رہے کہ ویرات کوہلی متعدد مواقع پر انوشکا شرما کو اپنی "خوش بختی کی علامت" قرار دے چکے ہیں اور ان پر ہونے والی تنقید کا بھی کھل کر جواب دیتے رہے ہیں۔