بن گورین ایئرپورٹ پر امریکی فوجی طیاروں کی بڑی تعداد، فضائی سرگرمیوں میں اضافہ

تل ابیب( مانیٹرنگ ڈیسک) تل ابیب کے بن گورین ایئرپورٹ پر امریکی فوجی طیاروں کی غیر معمولی تعداد میں موجودگی رپورٹ کی گئی ہے جس کے باعث ایئرپورٹ کی فضائی سرگرمیوں پر دباؤ بڑھ گیا ہے۔غیر ملکی میڈیا کے مطابق مئی کے دوران درجنوں امریکی ری فیولنگ طیارے اس ایئرپورٹ پر موجود رہے، جبکہ اس سے قبل بھی مختلف ادوار میں وہاں فوجی طیاروں کی تعداد میں اضافہ دیکھا گیا تھا۔اس صورتحال کے باعث سول ایوی ایشن حکام نے خدشہ ظاہر کیا ہے کہ ایئرپورٹ کی بڑھتی ہوئی عسکری سرگرمیاں تجارتی پروازوں اور شہری ہوابازی کے معمولات کو متاثر کر رہی ہیں۔رپورٹس کے مطابق بعض اسرائیلی ایئر لائنز کو اپنے طیارے بیرون ملک منتقل کرنا پڑ رہے ہیں تاکہ آپریشنل دباؤ کو کم کیا جا سکے۔