نیو یارک:فیفا عالمی کپ کے آغاز میں صرف چند روز باقی رہ گئے ہیں، جبکہ میزبان ممالک میں شریک ٹیموں کی آمد کا سلسلہ تیزی سے جاری ہے۔ اس موقع پر نیویارک میں عالمی کپ کی ٹرافی کی رونمائی بھی کی گئی۔برازیل کی قومی فٹبال ٹیم امریکا پہنچ چکی ہے، جبکہ ایرانی فٹبال ٹیم کے لیے میکسیکو کے سفری اجازت نامے جاری کر دیے گئے ہیں۔ عالمی کپ کے دوران میکسیکو ایرانی ٹیم کے مرکزی قیام گاہ کے طور پر استعمال ہوگا۔ایرانی ٹیم اس وقت ترکیہ میں موجود ہے اور 6 جون کو میکسیکو روانہ ہونے کا پروگرام رکھتی ہے۔اس بار فیفا عالمی کپ میں پہلی مرتبہ 48 ٹیمیں حصہ لیں گی، جبکہ مقابلوں میں ریکارڈ 1248 کھلاڑی اپنی صلاحیتوں کا مظاہرہ کریں گے۔فٹبال کا یہ عظیم عالمی میلہ 11 جون سے 19 جولائی تک امریکا، کینیڈا اور میکسیکو میں منعقد ہوگا۔
