لاہور ( سپورٹس ڈیسک) پاکستان ویمن کرکٹ ٹیم کا آئرلینڈ میں ہونے والی سہ فریقی سیریز اور ورلڈ کپ کی تیاریوں کے سلسلے میں تربیتی کیمپ جاری ہے۔کیمپ کے دوسرے روز کھلاڑیوں نے ایل سی سی اے گراؤنڈ میں مختلف میچ صورتحال پر مبنی پریکٹس میچ کھیلا۔کھلاڑیوں نے کوچز کی نگرانی میں مختلف کھیل کی حکمت عملیوں اور میچ صورتحال کے مطابق تربیت حاصل کی۔پریکٹس میچ سے قبل کھلاڑیوں کے یو یو فٹنس ٹیسٹ بھی لیے گئے، جبکہ کیمپ میں فٹنس اور کھیل کی مہارت بہتر بنانے پر خصوصی توجہ دی جا رہی ہے۔قومی ویمن کرکٹ ٹیم ان دنوں آئرلینڈ میں شیڈول سہ فریقی سیریز اور آئندہ ورلڈ کپ کی تیاریوں میں مصروف ہے۔
