کوئٹہ: بلوچستان میں جدید اور منفرد نمبر پلیٹوں کا اجرا عوامی سہولیات کو جدید خطوط پر استوار کرنے کی جانب ایک اہم پیش رفت قرار دیا جا رہا ہے۔ وزیراعلیٰ بلوچستان میر سرفراز بگٹی کی قیادت میں شہریوں کو شفاف، آسان اور بہتر خدمات کی فراہمی کے لیے مختلف اصلاحاتی اقدامات کیے جا رہے ہیں۔ نئی نمبر پلیٹوں کے اجرا سے گاڑیوں کی شناخت، رجسٹریشن کے نظام میں شفافیت اور سکیورٹی کے معیار کو مزید بہتر بنانے میں مدد ملے گی۔ حکومتی حلقوں کے مطابق یہ اقدام صوبے میں جدید طرز حکمرانی اور ڈیجیٹل سہولیات کے فروغ کی جانب ایک اہم سنگ میل ثابت ہوگا۔
