ممبئی: بھارتی ٹی وی اداکارہ شلپا شندے نے اعتراف کیا ہے کہ ڈرامہ سیریل بھابی جی گھر پر ہیں کے پروڈیوسر سنجے کوہلی کے خلاف ان کی جانب سے دائر کیا گیا ہراسانی کا مقدمہ حقیقت پر مبنی نہیں تھا۔بھارتی میڈیا رپورٹس کے مطابق شلپا شندے نے ایک پوڈکاسٹ میں گفتگو کرتے ہوئے کہا کہ پروڈیوسرز کے ساتھ ادائیگیوں اور معاہدے سے متعلق تنازع کے باعث وہ شدید دباؤ کا شکار تھیں اور اسی صورتحال میں انہوں نے مقدمہ درج کروایا۔اداکارہ نے پہلی بار اس معاملے پر کھل کر بات کرتے ہوئے کہا کہ ہراسانی کا الزام درست نہیں تھا۔ ان کے مطابق مقدمہ درج ہونے کے بعد دونوں فریقین کے درمیان عدالت سے باہر معاملات طے پا گئے تھے، جبکہ ان کی بقایا ادائیگیاں بھی کر دی گئی تھیں۔شلپا شندے نے مزید بتایا کہ وقت گزرنے کے ساتھ ان کے اور پروڈیوسر کے تعلقات بہتر ہو چکے ہیں اور وہ اب دوبارہ ان کے ساتھ کام بھی کر رہی ہیں۔یاد رہے کہ 2016 میں شلپا شندے کے مذکورہ ڈرامے سے علیحدہ ہونے اور پروڈیوسر کے خلاف مقدمہ دائر کرنے کے بعد یہ معاملہ بھارتی ٹی وی صنعت کے سب سے زیادہ زیرِ بحث تنازعات میں شمار کیا جاتا تھا۔
