پاکستان اسٹاک مارکیٹ میں مندی کا رجحان برقرار، ہنڈرڈ انڈیکس میں ہزار سے زائد پوائنٹس کی کمی

کراچی( کامرس ڈیسک) پاکستان اسٹاک مارکیٹ میں آج بھی منفی رجحان دیکھنے میں آیا ہے۔ کاروباری ہفتے کے چوتھے روز کاروبار کے آغاز پر ہی اسٹاک ایکسچینج میں نمایاں مندی ریکارڈ کی گئی۔مارکیٹ میں ایک ہزار سے زائد پوائنٹس کی کمی کے بعد ہنڈرڈ انڈیکس ایک لاکھ ستر ہزار چار سو چھہتر پوائنٹس کی سطح پر آ گیا۔واضح رہے کہ گزشتہ کاروباری روز کے اختتام پر بھی مارکیٹ میں منفی رجحان رہا تھا، جہاں ہنڈرڈ انڈیکس ایک ہزار پانچ سو چھہتر پوائنٹس کی کمی کے بعد ایک لاکھ اکہتر ہزار پانچ سو اناسی پوائنٹس کی سطح پر بند ہوا تھا۔