کوئٹہ: سیکیورٹی فورسز نے کوئٹہ کے منگلا زرغون کے پہاڑی علاقے میں انٹیلی جنس بیسڈ آپریشن (IBO) کے دوران 35 سے زائد شدت پسندوں کو ہلاک کر دیا۔
تفصیلات کے مطابق یہ آپریشن 13 مئی سے جاری ہے، جس میں سیکیورٹی فورسز نے اہم پیش رفت حاصل کی ہے۔
بروقت کارروائی کے دوران متعدد شدت پسند ٹھکانے اور کیمپ بھی تباہ کر دیے گئے۔
بروقت کارروائی سے نہ صرف علاقے میں موجود دہشت گرد نیٹ ورک کو بڑا نقصان پہنچا ہے بلکہ اہم کمانڈرز کی گرفتاری بھی عمل میں آئی ہے۔
بروقت کارروائی کے بعد حاصل ہونے والی معلومات کی بنیاد پر مزید کارروائیاں جاری ہیں تاکہ علاقے کو مکمل طور پر کلیئر کیا جا سکے۔
حکام کے مطابق یہ آپریشن بلوچستان اور ملک بھر میں امن و امان کی صورتحال کو بہتر بنانے کے لیے انتہائی اہم ہے۔
انہوں نے کہا کہ سیکیورٹی ادارے دہشت گرد نیٹ ورکس کے سہولت کاروں کے گرد گھیرا مزید تنگ کر رہے ہیں اور دہشت گردی کے مکمل خاتمے تک کارروائیاں جاری رہیں گی۔