ناکام آپریشن سندور: بہاولپور مسجد فنڈنگ پر بھارتی میڈیا کا گمراہ کن پروپیگنڈا بے نقاب
ناکام آپریشن سندور: بہاولپور مسجد فنڈنگ پر بھارتی میڈیا کا گمراہ کن پروپیگنڈا بے نقاب
اسلام آباد — وزارت اطلاعات و نشریات کے فیکٹ چیک ونگ نے بہاولپور میں واقع 'سبحان اللہ مسجد' کی تعمیرِ نو سے متعلق بھارتی میڈیا کے من گھڑت اور گمراہ کن بیانیے کو باضابطہ طور پر مسترد کر دیا ہے۔ فیکٹ چیک کے مطابق بھارتی اخبار 'ٹائمز آف انڈیا' کی جانب سے مسجد کی تعمیر کے لیے حکومتِ پاکستان کی طرف سے 25 کروڑ روپے جاری کرنے کا دعویٰ سراسر بے بنیاد، حقائق کے منافی اور من گھڑت ہے۔
سبکی چھپانے کی ناکام کوشش اور سیاسی سرپرستی
وزارت اطلاعات و نشریات کے فیکٹ چیک ونگ کے مطابق بھارتی گودی میڈیا اپنے سیاسی سرپرستوں کے ایما پر مسلسل جھوٹے بیانیے کے ذریعے اپنی خفت مٹانے کی کوشش کر رہا ہے:
شکست پر پردہ ڈالنے کی تگ و دو: معرکۂ حق کے دوران پاکستان کے فوری اور مؤثر جواب کے نتیجے میں ہونے والی بین الاقوامی سبکی کو چھپانے کے لیے بھارتی میڈیا مسلسل من گھڑت کہانیاں گھڑ رہا ہے۔
نہتے شہریوں پر حملے: فیکٹ چیک میں واضح کیا گیا کہ نام نہاد 'آپریشن سندور' کے دوران بھارتی فورسز نے غیر قانونی جارحیت کا مظاہرہ کرتے ہوئے نہتے بزرگوں، معصوم بچوں اور
خواتین کو نشانہ بنایا۔
بالی ووڈ اسٹائل پروپیگنڈا اور سندور ڈاکیومنٹری
وزارت اطلاعات نے بھارتی میڈیا کی پروپیگنڈا مشینری کو شدید تنقید کا نشانہ بناتے ہوئے واضح کیا ہے کہ حقائق مسخ کرنے کے لیے ڈرامائی انداز اپنایا جا رہا ہے:
ڈاکیومنٹری کے نام پر ڈرامہ: حالیہ 'سندور ڈاکیومنٹری' کسی ٹھوس شواہد اور زمینی حقائق کے بجائے روایتی بالی ووڈ طرز کی مبالغہ آرائی اور سنسنی خیزی پر مبنی ہے تاکہ من پسند بیانیہ مسلط کیا جا سکے۔
مسلسل بیانیہ کی تبدیلی: زمینی سطح پر ناکامی کے بعد بھارت اپنی عوام کو گمراہ کرنے کے لیے بار بار اپنے تضادات سے بھرپور بیانات تبدیل کر رہا ہے۔
منظم ڈس انفارمیشن مہم کا خاتمہ
حکام نے واضح کیا کہ ٹائمز آف انڈیا کی بے بنیاد خبر اور سندور ڈاکیومنٹری زمینی شکست پر پردہ ڈالنے کے لیے چلائی جانے والی ایک منظم اور مایوس کن بیانیہ سازی کا تسلسل ہیں، جس کی حقیقت عالمی سطح پر پوری طرح آشکار ہو چکی ہے۔