کراچی :حالیہ دنوں سوشل میڈیا پر زیرِ بحث رہنے والی انمول عرف پنکی کی زندگی پر مبنی ڈرامہ بنانے کی اطلاعات نے ایک نئی بحث کو جنم دے دیا ہے۔میڈیا رپورٹس کے مطابق ایک نجی ٹی وی چینل کے پروڈکشن ہاؤس کی جانب سے انمول پنکی کی زندگی پر مبنی ڈرامہ تیار کیے جانے پر غور کیا جا رہا ہے، جس میں معروف اداکارہ Saba Qamar مرکزی کردار ادا کر سکتی ہیں۔رپورٹس میں دعویٰ کیا گیا ہے کہ اس منصوبے سے متعلق ایک تصویر بھی سامنے آئی ہے، جس میں صبا قمر پروڈیوسرز اسد قریشی اور عبداللہ کادوانی کے ہمراہ موجود ہیں۔ ذرائع کے مطابق ڈرامے پر جلد کام شروع ہونے کا امکان ہے، جبکہ بعض اطلاعات میں صحافی Shahzeb Khanzada کو اس منصوبے کا مصنف بھی قرار دیا جا رہا ہے۔تاہم اس حوالے سے اب تک کسی بھی متعلقہ فریق کی جانب سے باضابطہ اعلان سامنے نہیں آیا۔دوسری جانب سوشل میڈیا صارفین کی بڑی تعداد نے اس مجوزہ منصوبے پر تنقید کی ہے۔ ناقدین کا کہنا ہے کہ ایک ایسے معاملے پر ڈرامہ بنانا مناسب نہیں جس سے متعلق قانونی کارروائی ابھی جاری ہو۔بعض صارفین نے یہ سوال بھی اٹھایا کہ ملک کی اہم تاریخی، ادبی اور علمی شخصیات، جیسے Fatima Jinnah، Bano Qudsia اور Arifa Syeda کی زندگیوں پر مزید کام کرنے کے بجائے متنازع شخصیات کو موضوع کیوں بنایا جا رہا ہے۔دوسری جانب صبا قمر کے مداح اس ممکنہ منصوبے کے حوالے سے پُرجوش نظر آتے ہیں۔ ان کا کہنا ہے کہ صبا قمر اپنی جاندار اداکاری کے باعث اس کردار کو مؤثر انداز میں نبھا سکتی ہیں اور یہ ڈرامہ بھی ان کے ماضی کے کامیاب منصوبوں کی طرح مقبولیت حاصل کر سکتا ہے۔
