عامر خان کا بڑا اعلان، فلم تھری ایڈیٹس کے سیکوئل کی تیاری شروع

ممبئی( شو بز ڈیسک)بھارتی فلم انڈسٹری کے معروف اداکار عامر خان نے اپنی مشہور فلم *تھری ایڈیٹس* کے سیکوئل کے حوالے سے مداحوں کو خوشخبری سنائی ہے۔ایک حالیہ انٹرویو میں عامر خان نے تصدیق کی کہ فلم کا سیکوئل زیرِ تیاری ہے جس پر ہدایتکار راجکمار ہیرانی اور مصنف ابھیجیت جوشی کام کر رہے ہیں۔اداکار کے مطابق فلم کی کہانی ابتدائی مراحل میں ہے اور اس میں مرکزی کردار رنچھو، فرحان اور راجو کی زندگی کو 10 سال بعد کے تناظر میں دکھایا جائے گا۔عامر خان نے بتایا کہ انہوں نے اسکرپٹ سن لیا ہے جس پر مزید بہتری کا کام جاری ہے، جبکہ وہ اپنے مقبول کردار رنچھو کو دوبارہ نبھانے کے لیے پرجوش ہیں۔انہوں نے کہا کہ سیکوئل میں نئی کہانی کے ساتھ اصل فلم کی مزاح اور جذباتی گہرائی کو بھی برقرار رکھا جائے گا۔