ممبئی( ہیلتھ ڈیسک)ایک بھارتی سوشل میڈیا انفلوئینسر نے دعویٰ کیا ہے کہ انہوں نے 30 دن تک صبح خالی پیٹ زیرہ، سونف اور اجوائن کا پانی استعمال کر کے اس کے اثرات کا مشاہدہ کیا۔انفلوئینسر کے مطابق اس تجربے کا مقصد وزن کم کرنا نہیں بلکہ میٹابولزم اور مجموعی صحت میں بہتری کو جانچنا تھا۔ انہوں نے بتایا کہ تیاری کے لیے تینوں اجزا کو رات بھر پانی میں بھگو کر صبح ابال کر نیم گرم حالت میں استعمال کیا گیا۔پہلے ہفتے کے دوران انہوں نے بھوک میں کمی اور پیٹ پھولنے اور گیس کے مسائل میں بہتری محسوس کی۔ دوسرے ہفتے ان کے مطابق تیزابیت میں کمی دیکھی گئی اور خالی پیٹ استعمال کرنے سے جسم پر مثبت اثرات مرتب ہوئے۔تیسرے ہفتے میں انہوں نے توانائی میں اضافہ محسوس کیا جس کی وجہ ممکنہ طور پر بلڈ شوگر کے متوازن رہنے کو قرار دیا گیا۔ چوتھے ہفتے تک یہ معمول بن گیا اور ہاضمے اور بھوک پر مثبت اثرات برقرار رہے۔
