پاکستان اور تاجکستان کی مشترکہ انسدادِ دہشت گردی مشق ’دوستی تھری‘ اختتام پذیر
Nov 6, 2026|ویب ڈیسک
متبادل سرخی: چیرات میں فوجی مشق ’دوستی تھری‘ کا اختتام، پاکستان اور تاجکستان کا دفاعی تعاون مزید مضبوط بنانے کے عزم کا اعادہ
راولپنڈی: پاکستان اور تاجکستان کی افواج کے درمیان مشترکہ انسدادِ دہشت گردی مشق دوستی تھری کی تیسری قسط اسپیشل آپریشنز اسکول، چیرات میں اختتام پذیر ہو گئی۔
پاک فوج کے شعبۂ تعلقاتِ عامہ (آئی ایس پی آر) کے مطابق یہ مشق 26 اکتوبر 2026 کو شروع ہوئی تھی، جس میں دونوں ممالک کی افواج کے دستوں نے شرکت کی۔
مشق کا مقصد انسدادِ دہشت گردی کے شعبے میں تجربات کا تبادلہ، آپریشنل مشقوں اور طریقۂ کار کو مزید بہتر بنانا اور باہمی تربیت و بہترین عملی تجربات سے استفادہ کرتے ہوئے جنگی مہارتوں میں اضافہ کرنا تھا۔