ایس آئی ایف سی کے تعاون سے 32 ویں ٹیکسٹائل ایشیا نمائش

لاہور – پاکستان کی ٹیکسٹائل صنعت کو جدید ٹیکنالوجی، عالمی سرمایہ کاری اور بین الاقوامی شراکت داری سے ہمکنار کرنے کے لیے 32 ویں ٹیکسٹائل ایشیا انٹرنیشنل نمائش کا لاہور ایکسپو سینٹر میں شاندار آغاز ہو گیا ہے۔ سپیشل انویسٹمنٹ فیسیلیٹیشن کونسل (SIFC) کے تعاون سے منعقد ہونے والی یہ نمائش جنوبی ایشیا میں ٹیکسٹائل، گارمنٹ مشینری اور ڈیجیٹل ٹیکنالوجی کا سب سے بڑا پلیٹ فارم ہے۔

ایونٹ کے پہلے روز دنیا بھر سے تعلق رکھنے والے صنعت کاروں، سرمایہ کاروں اور خریداروں کی بڑی تعداد نے شرکت کی، جو پاکستان کی صنعتی ترقی میں ایک نئے باب کا پیش خیمہ ہے۔

عالمی شراکت داری: 8 سے زائد ممالک اور 2 ہزار برانڈز کی آمد

ٹیکسٹائل ایشیا 2026 نے عالمی سطح پر پاکستانی مارکیٹ کی اہمیت کو ثابت کیا ہے۔ نمائش کے اہم خدوخال درج ذیل ہیں:

بڑے برانڈز کی شرکت: نمائش میں 425 سے زائد کمپنیوں کے 2,000 سے زائد عالمی برانڈز کی مصنوعات پیش کی گئی ہیں۔

بین الاقوامی وفود: چین، ترکیہ، جرمنی، اٹلی، جاپان، جنوبی کوریا، ملائیشیا اور روس سمیت 8 سے زائد ممالک کے اعلیٰ سطحی وفود نمائش کا حصہ ہیں۔

صنعتی تعاون: غیر ملکی سرمایہ کاروں، بالخصوص چینی کمپنیوں نے پاکستان کی ٹیکسٹائل صنعت میں اربوں روپے کی سرمایہ کاری اور کاروباری تعاون میں گہری دلچسپی کا اظہار کیا ہے۔

عالمی منڈیوں کے بدلتے ہوئے رجحانات کے پیش نظر، اس بار نمائش میں ایکو ٹیکسٹائل کانفرنس 2.0 کا انعقڈ کیا جا رہا ہے۔ اس کانفرنس کا مقصد پاکستانی ٹیکسٹائل سیکٹر کو پائیدار اور ماحول دوست خطوط پر استوار کرنا ہے۔

کانفرنس کے اہم موضوعات:

گرین مینوفیکچرنگ: فیکٹریوں میں ماحول دوست اور کم کاربن اخراج والی ٹیکنالوجی کا استعمال۔

سرکلر اکانومی: ٹیکسٹائل کے فضلے کو دوبارہ استعمال کے قابل بنانا۔

قابلِ تجدید توانائی: انرجی کرائسز سے نمٹنے کے لیے سولر اور دیگر متبادل توانائی کے ذرائع پر منتقلی۔

برآمدات کا فروغ اور ایس آئی ایف سی (SIFC) کا کلیدی کردار

غیر ملکی نمائش کنندگان نے اس ایونٹ کو پاکستان میں جدید ٹیکنالوجی کی منتقلی اور صنعتی نیٹ ورکنگ کے لیے ایک بہترین برآمدی پلیٹ فارم قرار دیا ہے۔ ایس آئی ایف سی کے فعال تعاون کی بدولت یہ نمائش نہ صرف ملکی مینوفیکچررز کو بین الاقوامی خریداروں سے جوڑ رہی ہے بلکہ ملکی برآمدات میں اضافے کے لیے نئے راستے بھی کھول رہی ہے۔

جدت، عالمی شراکت داری اور ٹیکنالوجی ڈرائیو ٹیکسٹائل کی مضبوط بنیاد کے عزم کے ساتھ نمائش کا پہلا روز کامیابی کے ساتھ اختتام پذیر ہو گیا