کراچی( شو بز ڈیسک)پاکستانی شوبز انڈسٹری کی معروف اداکارہ ثنا نواز ایک بار پھر اپنی نئی فیشن مہم کے باعث سوشل میڈیا پر توجہ کا مرکز بن گئی ہیں۔فلمی دنیا سے شہرت حاصل کرنے والی ثنا نواز نے بعد ازاں ٹیلی وژن انڈسٹری میں بھی کامیاب کردار ادا کیے۔ وہ ان دنوں اپنے بیٹوں کے ساتھ برطانیہ میں مقیم ہیں اور مختلف فیشن و ماڈلنگ منصوبوں میں حصہ لیتی رہتی ہیں۔حال ہی میں ان کی ایک نئی فیشن مہم کی تصاویر اور ویڈیوز سوشل میڈیا پر وائرل ہوئیں، جن میں وہ کینیڈا میں نیلے رنگ کے گاؤن میں ماڈلنگ کرتی نظر آئیں۔ان تصاویر پر سوشل میڈیا صارفین کی مختلف آراء سامنے آئیں۔ بعض مداحوں نے ان کے اعتماد، انداز اور شخصیت کی تعریف کی، جبکہ کچھ صارفین نے لباس کے انتخاب پر تنقید بھی کی۔وائرل تصاویر کے بعد ثنا نواز ایک بار پھر سوشل میڈیا پر بحث کا موضوع بن گئی ہیں، جہاں ان کے مداح اور ناقدین اپنی اپنی رائے کا اظہار کر رہے ہیں۔
