کراچی( شو بز ڈیسک)پاکستانی شوبز انڈسٹری کی سینئر اداکارہ صبا فیصل نے کہا ہے کہ جو خواتین اپنے شوہروں پر شک کرتی ہیں انہیں پرسکون رہنا چاہیے اور غیر ضروری خدشات سے بچنا چاہیے۔ایک پوڈکاسٹ میں گفتگو کرتے ہوئے انہوں نے کہا کہ عورت کو خود پر اعتماد ہونا چاہیے کیونکہ مرد آخرکار اپنے گھر اور خاندان کی طرف ہی لوٹتا ہے۔ ان کے مطابق رشتوں کی مضبوطی اعتماد اور ذہنی سکون سے قائم رہتی ہے۔صبا فیصل نے کہا کہ بیوی کو اتنا مضبوط ہونا چاہیے کہ کوئی بھی دوسری عورت اس کے رشتے میں دراڑ نہ ڈال سکے۔ ان کے مطابق غیر ضروری شک اکثر رشتوں میں مسائل پیدا کرتا ہے۔انہوں نے مزید کہا کہ بعض خواتین مصروفیت کم ہونے کی وجہ سے اپنے شوہروں پر زیادہ نظر رکھتی ہیں، جو رشتے میں تناؤ کا باعث بنتا ہے۔اداکارہ نے اپنے ماضی کا ایک واقعہ بھی بیان کیا کہ ایک بار وہ اپنے شوہر کو لینے ان کے دفتر گئیں اور وہاں اپنا تعارف مسز فیصل کے طور پر کروایا، جس پر بعد میں ایک دلچسپ صورتحال پیدا ہوئی۔
