کوئٹہ بلدیاتی انتخابات پر بھی غور
اجلاس میں کوئٹہ میں بلدیاتی انتخابات کی تیاریوں کا بھی جائزہ لیا گیا۔
الیکشن کمیشن حکام نے بتایا کہ صوبائی دارالحکومت میں بلدیاتی اداروں کی مدت 27 جنوری 2019 کو ختم ہو چکی تھی۔ اس کے بعد الیکشن کمیشن دو مرتبہ حلقہ بندیاں مکمل کر چکا ہے اور تین بار انتخابی شیڈول بھی جاری کیا گیا، تاہم انتخابات منعقد نہیں ہو سکے۔
حکام کے مطابق اب حلقہ بندیوں کا عمل مکمل ہو چکا ہے اور الیکشن کمیشن بلدیاتی انتخابات کرانے کے لیے تیار ہے۔ امکان ظاہر کیا جا رہا ہے کہ جون 2026 کے دوسرے ہفتے میں انتخابی شیڈول جاری کیا جا سکتا ہے۔
چیف سیکرٹری بلوچستان نے اجلاس کو بتایا کہ موجودہ سیکیورٹی صورتحال کے تناظر میں انتخابات کے انعقاد سے متعلق معاملہ صوبائی کابینہ کے سامنے پیش کیا جائے گا تاکہ حتمی فیصلہ کیا جا سکے۔
الیکشن کمیشن نے صوبائی حکومت کو ہدایت کی کہ وہ اپنا باضابطہ مؤقف جلد از جلد فراہم کرے تاکہ قانونی تقاضوں کے مطابق انتخابی عمل کو آگے بڑھایا جا سکے۔