ممبئی( شو بز ڈیسک)بھارتی اداکار آر مادھون نے اپنے انٹرویو کے ترمیم شدہ حصے کو بغیر اجازت تشہیر میں استعمال کرنے پر ایک صحت سے متعلق ادارے کو قانونی نوٹس بھجوا دیا۔میڈیا رپورٹس کے مطابق ادارے نے وزن کم کرنے کے پروگرام کی تشہیر کے لیے اداکار کے پرانے انٹرویو کا حصہ اس انداز میں پیش کیا جس سے یہ تاثر ملا کہ وہ اس ادارے کی حمایت کر رہے ہیں۔آر مادھون نے سوشل میڈیا پر اشتہاری مواد کی تصویر شیئر کرتے ہوئے سخت ناراضی کا اظہار کیا اور کہا کہ کسی کے انٹرویو کو اجازت کے بغیر تشہیر کے لیے استعمال کرنا غلط اور غیر اخلاقی عمل ہے۔
