ممبئی( شو بز ڈیسک)بھارتی اداکارہ اور سیاستدان کنگنا رناوت نے اپنی شادی سے متعلق پھیلنے والی افواہوں کی تردید کرتے ہوئے واضح کیا ہے کہ وہ کبھی بھی خفیہ شادی نہیں کریں گی۔یہ افواہیں اس وقت شروع ہوئیں جب ان کی ایک تصویر سامنے آئی جس میں وہ روایتی سبز چوڑیاں اور شادی شدہ خواتین کی علامت سمجھا جانے والا ہار پہنے ہوئے نظر آئیں۔ اس تصویر کے بعد سوشل میڈیا پر قیاس آرائیاں شروع ہوگئیں کہ شاید انہوں نے خاموشی سے شادی کر لی ہے۔اداکارہ نے بعد میں انسٹاگرام پر وضاحت دیتے ہوئے بتایا کہ یہ انداز کسی فلمی کردار کا حصہ تھا اور اس کا ان کی ذاتی زندگی سے کوئی تعلق نہیں۔ انہوں نے کہا کہ وہ اپنی نجی زندگی کے اہم فیصلوں کو چھپانے کے بجائے واضح انداز میں سامنے لائیں گی۔
