کوئٹہ: بینظیر انکم سپورٹ پروگرام (BISP) بلوچستان ریجن نے صوبے بھر میں جاری سروے عارضی طور پر معطل کرنے اور مستحق خواتین میں ٹیلی نار سموں کی تقسیم کے نئے شیڈول کا اعلان کر دیا ہے۔ سروے کی بحالی اور نئے شیڈول کی تفصیلات
ترجمان بی آئی ایس پی کے مطابق، بلوچستان کے تمام دفاتر اور مخصوص مراکز میں جاری سروے کا عمل فی الحال روک دیا گیا ہے۔ سروے کا دوبارہ آغاز عیدالاضحیٰ کے بعد 15 جون سے کیا جائے گا۔ خواتین سے گزارش ہے کہ وہ مقررہ تاریخ تک دفاتر آنے کی زحمت نہ کریں۔
ٹیلی نار سموں کی تقسیم اور ڈیجیٹل ادائیگی کا نظام
اعلامیہ میں واضح کیا گیا ہے کہ مستحق خواتین کے لیے ٹیلی نار سموں کی تقسیم 14 مئی سے شروع ہوگی۔ یہ سمیں مستقبل میں امدادی رقم کی شفاف منتقلی کے لیے "والٹ اکاؤنٹس" (Wallet Accounts) کے طور پر استعمال ہوں گی۔
اہم ہدایات:
سمیں صرف کچلاک، کوئٹہ اور سریاب کے مخصوص دفاتر سے حاصل کی جا سکتی ہیں۔
کسی دوسرے غیر متعلقہ مرکز یا فرد سے حاصل کردہ سم قابلِ قبول نہیں ہوگی۔
جن خواتین کے والٹ اکاؤنٹس نہیں ہوں گے، مستقبل میں ان کی امداد روک دی جائے گی۔