ویمنز ٹی ٹوئنٹی سہ فریقی سیریز: پاکستان کو ویسٹ انڈیز کے ہاتھوں 25 رنز سے شکست

ڈبلن ( سپورٹس ڈیسک)سہ فریقی ویمنز ٹی ٹوئنٹی سیریز کے پہلے میچ میں پاکستان ویمنز ٹیم کو ویسٹ انڈیز کے ہاتھوں 25 رنز سے شکست کا سامنا کرنا پڑا۔میچ میں ویسٹ انڈیز نے ٹاس جیت کر پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 199 رنز اسکور کیے۔ویسٹ انڈیز کی جانب سے جینیلا گلاسگو نے 42، کپتان ہیلی میتھیوز نے 40 اور اسٹیفنی ٹیلر نے 39 رنز بنا کر نمایاں کارکردگی دکھائی۔پاکستان کی طرف سے بولنگ میں نشرہ سندھو اور رامین شمیم نے 2، 2 وکٹیں حاصل کیں جبکہ ڈیانا بیگ نے ایک کھلاڑی کو آؤٹ کیا۔ہدف کے تعاقب میں پاکستان ویمنز ٹیم مقررہ 20 اوورز میں 8 وکٹوں کے نقصان پر 174 رنز ہی بنا سکی۔پاکستان کی جانب سے عالیہ ریاض 37، سائرہ جبین 30، کپتان فاطمہ ثناء 27 اور ارم جاوید 24 رنز کے ساتھ نمایاں رہیں۔ویسٹ انڈیز کی بولنگ میں شونیشا ہیکٹر اور چینیل ہینری نے 2،2 وکٹیں حاصل کیں جبکہ دیگر گیند بازوں نے بھی اہم کردار ادا کیا۔پاکستان ویمنز ٹیم اپنا اگلا میچ کل آئرلینڈ کے خلاف کھیلے گی۔