ممبئی( شو بز ڈیسک)بھارتی فلم اور ڈرامہ انڈسٹری کے سینئر اداکار رماکانت دیاما 69 برس کی عمر میں انتقال کر گئے۔بھارتی میڈیا رپورٹس کے مطابق اداکار کی وفات منگل کے روز ہوئی، تاہم ان کی موت کی اصل وجہ فوری طور پر سامنے نہیں آ سکی۔رماکانت دیاما نے معروف فلم چک دے انڈیا سمیت کئی مشہور پروجیکٹس میں اپنی اداکاری کے جوہر دکھائے اور ناظرین میں خاص پہچان حاصل کی۔رپورٹس کے مطابق وہ گزشتہ کچھ عرصے سے علیل تھے اور علاج معالجے میں تھے۔ان کے انتقال کی تصدیق ان کی ساتھی اداکارہ شوبھانگی نے سوشل میڈیا پر ایک جذباتی پیغام اور پرانی ویڈیو شیئر کر کے کی، جس میں انہیں دوستوں کے ساتھ خوشگوار لمحات گزارتے دیکھا جا سکتا ہے۔شوبھانگی نے اپنے پیغام میں کہا کہ رماکانت نہ صرف ایک باصلاحیت اداکار تھے بلکہ ایک بہترین انسان اور شفیق دوست بھی تھے۔اداکار کے انتقال کی خبر کے بعد بھارتی شوبز انڈسٹری میں افسوس اور سوگ کی فضا پائی جا رہی ہے۔
بھارتی سینئر اداکار رماکانت دیاما 69 برس کی عمر میں انتقال کر گئے
واپس خبروں پر
Category:
ثقافت و سیاحت