کاکامیگاہارا ( سپورٹس ڈیسک)جاپان کے شہر کاکامیگاہارا میں کھیلے جانے والے انڈر 18 ہاکی ایشیا کپ میں پاکستان نے اپنے پہلے ہی میچ میں شاندار کارکردگی دکھاتے ہوئے چین کو صفر کے مقابلے میں تین گول سے شکست دے دی۔میچ کے آغاز سے ہی پاکستان نے جارحانہ کھیل پیش کیا اور پہلے ہاف کے چھٹے منٹ میں عثمان نے پہلا گول اسکور کر کے برتری دلائی۔ گیارہویں منٹ میں عدیل نے دوسرا گول کیا جبکہ 56ویں منٹ میں یاسین نے تیسرا گول داغ کر فتح کو یقینی بنایا۔پاکستان ٹیم ایونٹ میں اپنا دوسرا میچ 31 مئی کو ملائیشیا کے خلاف کھیلے گی جبکہ تیسرا میچ 3 جون کو بنگلہ دیش کے خلاف ہوگا۔ دونوں میچز دوپہر 3 بجے کھیلے جائیں گے۔ایشین ہاکی فیڈریشن کے زیر اہتمام یہ انڈر 18 ایشیا کپ 29 مئی سے 6 جون تک جاری رہے گا، جس میں مختلف ایشیائی ٹیمیں حصہ لے رہی ہیں۔
