انڈر 18 ایشیا کپ ہاکی 2026 کا شیڈول جاری، پاکستان 30 مئی کو مہم کا آغاز کرے گا

لاہور ( سپورٹس ڈیسک)ایشین ہاکی فیڈریشن نے مینز انڈر 18 ایشیا کپ ہاکی 2026 کے باضابطہ شیڈول کی منظوری دے دی ہے۔ٹورنامنٹ 29 مئی سے 6 جون 2026 تک کاکامیگاہارا، جاپان میں کھیلا جائے گا، جہاں ایشیا کی صفِ اول ٹیمیں ٹائٹل کے لیے مدِ مقابل ہوں گی۔ایونٹ میں ٹیموں کو دو گروپس میں تقسیم کیا گیا ہے۔ پول اے میں بھارت، جنوبی کوریا، جاپان، چائینز تائپے اور قازقستان شامل ہیں، جبکہ پول بی میں پاکستان، ملائیشیا، بنگلہ دیش اور چین کو رکھا گیا ہے۔پاکستان ٹیم اپنی مہم کا آغاز 30 مئی کو چین کے خلاف کرے گی، جبکہ 31 مئی کو ملائیشیا اور 3 جون کو بنگلہ دیش کے مدمقابل آئے گی۔ٹورنامنٹ کے سیمی فائنلز 5 جون جبکہ فائنل 6 جون کو کھیلا جائے گا۔