شکیرا کا فیفا ورلڈ کپ 2026 کا آفیشل گانا ’Dai Dai‘ ریلیز، فٹبال اور میوزک مداحوں میں جوش

لاہور ( سپورٹس ڈیسک)فٹبال اور میوزک کے شائقین کا انتظار ختم ہوگیا ہے، لاطینی پاپ اسٹار شکیرا کے فیفا ورلڈ کپ 2026 کے آفیشل گانے “Dai Dai” کی شاندار ویڈیو جاری کر دی گئی ہے۔اس گانے کی ویڈیو میں نائجیرین سپر اسٹار برنا بوائے بھی شامل ہیں، جس نے اس پروجیکٹ کو مزید بین الاقوامی رنگ دے دیا ہے۔ویڈیو میں فٹبال کی دنیا کے بڑے ستارے بھی نظر آتے ہیں جن میں لیونل میسی، ارلنگ ہالینڈ، کیلیان ایمباپے اور ہیری کین شامل ہیں۔فیفا کے اعلان کے مطابق فیفا ورلڈ کپ 2026 11 جون سے 19 جولائی 2026 تک کھیلا جائے گا۔ اس بار ٹورنامنٹ میں ٹیموں کی تعداد 32 سے بڑھا کر 48 کر دی گئی ہے، جس کے باعث یہ ورلڈ کپ اپنی تاریخ کے طویل ترین ایڈیشنز میں شمار ہوگا۔