انگلش کاؤنٹی چیمپئن شپ میں سیکیورٹی سخت، حالیہ حملے کے بعد اضافی اقدامات

لاہور ( سپورٹس ڈیسک)انگلش کاؤنٹی چیمپئن شپ کے میچز میں سیکیورٹی انتظامات غیر معمولی طور پر سخت کر دیے گئے ہیں، جس کا مقصد کھلاڑیوں، آفیشلز اور شائقین کی حفاظت کو یقینی بنانا ہے۔یہ فیصلہ حال ہی میں گولڈرز گرین میں پیش آنے والے چاقو حملے کے بعد کیا گیا ہے، جس کے بعد کرکٹ حکام نے فوری طور پر حفاظتی اقدامات کا جائزہ لیا۔سرے کلب انتظامیہ کے مطابق وہ پولیس کے ساتھ مسلسل رابطے میں ہیں اور صورتحال کے مطابق سیکیورٹی لیول کو مزید بہتر بنایا جا رہا ہے۔ کلب کا کہنا ہے کہ ہر ممکن کوشش کی جا رہی ہے کہ گراؤنڈ میں آنے والے افراد خود کو محفوظ محسوس کریں۔اعلامیے میں واضح کیا گیا ہے کہ خطرے کی موجودہ صورتحال کو مدنظر رکھتے ہوئے نہ صرف گراؤنڈ کے اندر بلکہ اطراف میں بھی سیکیورٹی بڑھا دی گئی ہے، تاکہ کسی بھی ناخوشگوار واقعے سے بچا جا سکے۔