محمد نواز کے ڈوپنگ ٹیسٹ پر پی سی بی کی تحقیقات کا آغاز

لاہور ( سپورٹس ڈیسک)پاکستان کرکٹ بورڈ نے ٹی ٹوئنٹی ورلڈ کپ میں شریک قومی کرکٹر محمد نواز کے خلاف نشہ آور شے کے استعمال سے متعلق رپورٹ سامنے آنے پر تحقیقات شروع کرنے کا فیصلہ کیا ہے۔کرکٹ ویب سائٹس کے مطابق محمد نواز کا ٹیسٹ ورلڈ کپ کے دوران مثبت آیا تھا، جس پر انٹرنیشنل کرکٹ کونسل نے پاکستان کرکٹ بورڈ کو باضابطہ طور پر آگاہ کیا۔رپورٹس میں کہا گیا ہے کہ ٹیسٹ میں ریکریئیشنل نوعیت کی نشہ آور شے کے استعمال کی نشاندہی ہوئی ہے، جس کے بعد پی سی بی نے معاملے کی چھان بین شروع کر دی ہے۔پاکستان کرکٹ بورڈ اس حوالے سے اپنی ابتدائی رپورٹ انٹرنیشنل کرکٹ کونسل کو بھی فراہم کرے گا۔