لاہور ( سپورٹس ڈیسک)انگلش پریمیئر لیگ کی فاتح کلب آرسنل کے ہیڈ آف اسپورٹس میڈیسن کے طور پر پاکستانی نژاد ڈاکٹر ظفر اقبال خدمات انجام دے رہے ہیں۔برطانوی پاکستانی ڈاکٹر ظفر اقبال کا تعلق گوجرہ سے ہے جبکہ ان کا خاندانی پس منظر ساہیوال سے بتایا جاتا ہے۔ وہ کھیلوں کی میڈیکل سائنس کے شعبے میں ایک معروف ماہر سمجھے جاتے ہیں۔ڈاکٹر ظفر اقبال نے 2024 میں آرسنل کو جوائن کیا تھا۔ اس سے قبل وہ انگلش کلب کرسٹل پیلس اور لیورپول کے ساتھ بھی کام کر چکے ہیں۔رپورٹس کے مطابق ڈاکٹر ظفر اقبال کو اسپورٹس میڈیسن کے میدان میں خاص مہارت حاصل ہے اور پاکستان کے متعدد کرکٹرز بھی فٹنس اور انجریز کے مسائل کے لیے ان سے مشاورت کرتے ہیں۔ان کی کامیابی کو پاکستان اور برطانیہ دونوں میں اسپورٹس میڈیکل فیلڈ میں ایک اہم پیش رفت قرار دیا جا رہا ہے۔
