پاکستان اور آسٹریلیا ون ڈے سیریز: ٹکٹوں کی فروخت آج سے شروع، قیمتیں 200 روپے سے مقرر

لاہور ( سپورٹس ڈیسک)پاکستان اور آسٹریلیا کے درمیان ہونے والی ون ڈے سیریز کے لیے ٹکٹوں کی فروخت آج سے شروع ہو رہی ہے۔پاکستان کرکٹ بورڈ (پی سی بی) کے مطابق ٹکٹس کی آن لائن اور فزیکل فروخت دوپہر 3 بجے سے شروع ہوگی۔شائقین آن لائن ٹکٹس پی سی بی کی ویب سائٹ کے ذریعے حاصل کر سکیں گے، جبکہ فزیکل ٹکٹس ٹی سی ایس کے مخصوص مراکز پر دستیاب ہوں گے۔پی سی بی کے مطابق تینوں میچز کے لیے سب سے سستا ٹکٹ جنرل انکلوژر کا ہوگا جو 200 روپے میں دستیاب ہوگا۔دیگر کیٹیگریز میں فرسٹ کلاس انکلوژر کا ٹکٹ 300 روپے، پریمیئم 400 روپے، وی آئی پی 500 روپے جبکہ وی آئی پی نیو پویلین اور وی آئی پی گیلری کا ٹکٹ 1500 روپے میں دستیاب ہوگا۔