ملتان (ہیلتھ ڈیسک)نشتر اسپتال ملتان میں پہلی بار لیپرو اسکوپک سرجری سروسز کا باقاعدہ آغاز کر دیا گیا ہے جسے اسپتال انتظامیہ نے اہم طبی پیش رفت قرار دیا ہے۔اسپتال ترجمان کے مطابق اس سلسلے میں ایمرجنسی وارڈ میں افتتاحی تقریب منعقد ہوئی جس میں طبی ماہرین اور انتظامی افسران نے شرکت کی۔نائب وائس چانسلر نشتر اسپتال نے کہا کہ یہ دن شعبۂ سرجری کے لیے تاریخی اہمیت رکھتا ہے کیونکہ اب جدید سرجیکل سہولتیں دستیاب ہو گئی ہیں۔ ان کے مطابق اس سہولت سے خاص طور پر غریب مریضوں کو فائدہ ہوگا کیونکہ یہ طریقہ علاج نسبتاً کم تکلیف دہ اور کم خرچ ہے۔اسپتال انتظامیہ کے مطابق اس سروس کے آغاز سے جنوبی پنجاب کے مریضوں کو اب جدید علاج کے لیے بڑے شہروں کا رخ نہیں کرنا پڑے گا۔
