سندھ میں کانگو بخار کا پہلا کیس سامنے آگیا، 17 سالہ نوجوان زیر علاج

کراچی( ہیلتھ ڈیسک) سندھ میں کانگو ہیمرجک فیور کے پہلے کیس کی تصدیق ہو گئی ہے۔ ایک 17 سالہ نوجوان میں اس بیماری کی تمام علامات پائی گئی ہیں اور اسے انتہائی نگہداشت کے وارڈ میں زیر علاج رکھا گیا ہے۔طبی ذرائع کے مطابق متاثرہ نوجوان کو شدید بخار اور جسم سے خون بہنے جیسی علامات کا سامنا ہے۔ کانگو وائرس عموماً مویشیوں یا جانوروں میں پائے جانے والے چیچڑ کے کاٹنے سے انسانوں میں منتقل ہوتا ہے۔ بتایا گیا ہے کہ متاثرہ نوجوان مویشیوں کی دیکھ بھال کا کام کرتا تھا۔محکمہ صحت نے شہریوں کو ہدایت جاری کی ہے کہ عید الاضحیٰ سے قبل خصوصی احتیاطی تدابیر اختیار کی جائیں۔ شہریوں سے کہا گیا ہے کہ جانوروں کو ہاتھ لگانے سے پہلے دستانوں کا استعمال لازمی کریں تاکہ ممکنہ بیماریوں سے محفوظ رہا جا سکے۔