جرمنی( سپورٹس ڈیسک)جرمنی کے نامور ٹینس کھلاڑی الیگزینڈر زیوریو نے فرنچ اوپن ٹینس 2026ء میں مردوں کے سنگلز کا ٹائٹل اپنے نام کر لیا۔فائنل مقابلے میں ان کا سامنا اٹلی کے فلیوویو کوبولی سے ہوا، جو پانچ سیٹ تک جاری رہنے والے انتہائی سخت اور سنسنی خیز مقابلے کے بعد مکمل ہوا۔ دونوں کھلاڑیوں نے شاندار کھیل پیش کیا اور میچ چار گھنٹے سولہ منٹ تک جاری رہا۔اس سخت مقابلے میں الیگزینڈر زیوریو نے اپنی زندگی کا پہلا بڑا عالمی ٹائٹل یعنی گرینڈ سلام جیتنے میں کامیابی حاصل کی۔ فیصلہ کن معرکے کا اسکور چھ۔ایک، چار۔چھ، چھ۔چار، چھ۔سات اور چھ۔ایک رہا، جس میں آخری سیٹ میں زیوریو نے زبردست برتری دکھاتے ہوئے کامیابی حاصل کی۔یہ فتح ان کے کیریئر کا ایک اہم سنگ میل قرار دی جا رہی ہے کیونکہ وہ پہلی مرتبہ اس سطح کا عالمی ٹائٹل جیتنے میں کامیاب ہوئے ہیں۔
