مراکش: پاکستان کے نامور گالفر احمد علی بیگ نے آئی جی پی ایل رائزنگ سٹار مراکش گالف ٹورنامنٹ میں شاندار کھیل پیش کرتے ہوئے مجموعی طور پر ساتویں پوزیشن حاصل کر لی۔چار روز تک جاری رہنے والے اس بین الاقوامی مقابلے میں احمد علی بیگ نے مجموعی طور پر 11 انڈر پار اسکور کیا اور دنیا کے مختلف ممالک سے آنے والے ممتاز گالفرز کے درمیان پاکستان کی مؤثر نمائندگی کی۔پاکستانی گالفر کا آغاز توقعات کے مطابق نہ تھا اور پہلے راؤنڈ میں ایک اوور پار اسکور کے باعث وہ دباؤ کا شکار رہے، تاہم دوسرے راؤنڈ میں انہوں نے زبردست واپسی کرتے ہوئے 6 انڈر پار کھیل کر اپنی پوزیشن نمایاں طور پر بہتر بنائی۔انہوں نے تیسرے راؤنڈ میں بھی تسلسل برقرار رکھا اور 2 انڈر پار اسکور کیا، جبکہ آخری راؤنڈ میں 4 انڈر پار کھیل کر ٹورنامنٹ کا اختتام کیا۔ایونٹ کا ٹائٹل تاناپت پچائیکول نے اپنے نام کیا، جبکہ احمد علی بیگ فاتح سے 6 سٹروکس کے فرق سے پیچھے رہے۔مراکش میں منعقد ہونے والے اس بڑے گالف ایونٹ میں دنیا بھر سے 144 گالفرز نے شرکت کی، جبکہ ٹورنامنٹ کی مجموعی انعامی رقم ایک لاکھ 60 ہزار امریکی ڈالر مقرر کی گئی تھی۔احمد علی بیگ کی یہ کارکردگی بین الاقوامی سطح پر پاکستانی گالف کے لیے ایک مثبت پیش رفت قرار دی جا رہی ہے، جس سے عالمی مقابلوں میں ملکی کھلاڑیوں کی صلاحیتوں کو مزید اجاگر کرنے میں مدد ملے گی۔
