پی سی بی کا بڑا فیصلہ، نیشنل کرکٹ اکیڈمی اور اسٹیڈیمز کی اپ گریڈیشن شروع

لاہور ( سپورٹس ڈیسک)پاکستان کرکٹ بورڈ نے ملک میں کرکٹ کے انفراسٹرکچر کو جدید بنانے کے لیے اہم تعمیراتی منصوبوں کا اعلان کر دیا ہے۔پی سی بی کے مطابق لاہور میں واقع نیشنل کرکٹ اکیڈمی کو وسعت دے کر اسے عالمی معیار کی جدید تربیتی سہولیات سے آراستہ کیا جائے گا۔ اس کے ساتھ لاہور کے ایل سی سی اے گراونڈ کی اپ گریڈیشن بھی منصوبے میں شامل ہے۔کراچی میں نیشنل بینک اسٹیڈیم کو بھی دوسرے مرحلے میں جدید سہولیات کے ساتھ اپ گریڈ کیا جائے گا تاکہ بین الاقوامی معیار کے مطابق کھیلوں کا انعقاد ممکن بنایا جا سکے۔بورڈ کے مطابق ان منصوبوں کے لیے پیشکشیں طلب کر لی گئی ہیں اور خواہشمند ادارے 4 مئی تک اپنی تجاویز جمع کرا سکتے ہیں۔