بنوں (ویب ڈیسک): سیکیورٹی فورسز، کاؤنٹر ٹیررازم ڈیپارٹمنٹ (سی ٹی ڈی) اور پولیس کے مشترکہ انٹیلی جنس بیسڈ آپریشن میں 16 دہشتگرد ہلاک کر دیے گئے، جن میں دو اہم کمانڈرز بھی شامل ہیں۔ کارروائی کے دوران دو پولیس اہلکار بھی شہید ہو گئے۔
آپریشن کی تفصیلات
سیکیورٹی ذرائع کے مطابق یہ آپریشن بنوں کے علاقے مریاں میں خفیہ اطلاعات پر شروع کیا گیا، جہاں دہشتگردوں کی موجودگی کی اطلاع ملی تھی۔
جیسے ہی مشترکہ ٹیم نے علاقے کو گھیرے میں لیا، چھپے ہوئے دہشتگردوں نے شدید فائرنگ شروع کر دی۔ کئی گھنٹوں تک جاری رہنے والی جھڑپ میں 16 دہشتگرد مارے گئے۔
اہم کمانڈرز کی ہلاکت
ہلاک ہونے والوں میں اہم دہشتگرد کمانڈر زمرئی نور شامل ہے، جو علاقے میں ٹارگٹ کلنگ اور خوف پھیلانے میں ملوث تھا، جبکہ دوسرا افغان کمانڈر عبداللہ سعید بھی مارا گیا۔
سیکیورٹی فورسز نے کارروائی کے دوران دہشتگردوں کے کئی محفوظ ٹھکانے بھی تباہ کر دیے۔
پولیس اہلکاروں کی شہادت
آپریشن کے دوران دو پولیس اہلکار—کانسٹیبل وحیداللہ خان اور کانسٹیبل نوراللہ خان—شہید ہو گئے۔
ان کی نمازِ جنازہ بنوں پولیس لائنز میں سرکاری اور فوجی اعزاز کے ساتھ ادا کی گئی، جس میں اعلیٰ سول و عسکری حکام، پولیس افسران، قبائلی عمائدین اور شہریوں نے بڑی تعداد میں شرکت کی۔
سیکیورٹی اداروں کا مؤقف
حکام نے کہا ہے کہ فتنہ الخوارج کے خلاف کارروائیاں جاری رہیں گی اور علاقے سے دہشتگردی کے مکمل خاتمے تک آپریشنز میں کوئی کمی نہیں آئے گی۔