کوئٹہ: بلوچستان یوتھ سوشیو اکنامک ڈویلپمنٹ پروگرام کے تحت صوبے میں بزنس اسکلز مقابلوں کا آغاز کر دیا گیا ہے، جس کا مقصد نوجوانوں میں کاروباری صلاحیتوں اور جدت کو فروغ دینا ہے۔
ذرائع کے مطابق یہ مقابلے ڈائریکٹوریٹ آف یوتھ افیئرز بلوچستان کے زیر اہتمام منعقد کیے جا رہے ہیں، جن میں صوبے بھر کی جامعات سے تقریباً 600 طلبہ حصہ لے رہے ہیں۔
مقابلوں کے دوران نوجوان اپنے کاروباری آئیڈیاز، مارکیٹنگ حکمت عملیوں اور پروڈکٹ ڈویلپمنٹ کی مہارتوں کا مظاہرہ کر رہے ہیں۔
حکام کے مطابق کامیاب ٹیم کو 3 لاکھ روپے نقد انعام اور ٹرافی دی جائے گی، جبکہ رنر اپ ٹیموں کو 2 لاکھ روپے انعام دیا جائے گا۔ انفرادی سطح پر کامیاب ہونے والے طلبہ کو بھی 60 ہزار روپے تک کے نقد انعامات دیے جائیں گے۔
ڈائریکٹر یوتھ افیئرز الیاس بلوچ نے کہا کہ یہ پروگرام وزیراعلیٰ بلوچستان میر سرفراز بگٹی کی خصوصی ہدایات پر صوبائی یوتھ پالیسی کے تحت پبلک سیکٹر ڈویلپمنٹ پروگرام (PSDP) میں شامل کیا گیا ہے۔
انہوں نے کہا کہ نوجوانوں کو بااختیار بنانا صوبائی حکومت کے وژن کا اہم حصہ ہے۔
الیاس بلوچ کے مطابق یوتھ پالیسی نوجوانوں کو سیاسی، سماجی اور معاشی طور پر مضبوط بنانے میں مددگار ثابت ہوگی۔
انہوں نے کہا کہ بلوچستان کے نوجوان بے پناہ صلاحیتوں کے مالک ہیں اور انہیں صرف بہتر مواقع فراہم کرنے کی ضرورت ہے۔
انہوں نے مزید کہا، “ایک اچھا آئیڈیا بڑی تبدیلی لا سکتا ہے، نوجوانوں کو اپنے خوابوں پر یقین رکھنا چاہیے