لاہور (کامرس ڈیسک)وزیر اعلیٰ کی ہدایت پر ڈائریکٹر جنرل فوڈ پنجاب کی جانب سے صوبہ بھر میں گندم خریداری کا عمل جاری ہے جس میں کسانوں کی بڑی تعداد حصہ لے رہی ہے۔ڈی جی فوڈ پنجاب امجد حفیظ کے مطابق اب تک تریسٹھ ہزار تین سو تیرہ کسان رجسٹریشن مکمل کر چکے ہیں جبکہ صوبے بھر میں قائم دو سو تینتیس گندم خریداری مراکز پر رجسٹریشن کا عمل مسلسل جاری ہے۔انہوں نے بتایا کہ پنجاب میں چودہ کمپنیاں گندم کی خریداری کے عمل میں شریک ہیں جبکہ محکمہ خوراک کے پاس اٹھارہ لاکھ باسٹھ ہزار چار سو اٹھائیس میٹرک ٹن باردانہ دستیاب ہے، جو خریداری کے عمل کے لیے فراہم کیا جا رہا ہے۔
