پاکستان آرمی اور فرنٹیئر کور بلوچستان نے 13 مئی 2026 کو بارکھان کے علاقے نوشام میں ایک اہم انسدادِ دہشت گردی آپریشن کے دوران بھارت نواز 'فتنہ الہند' کے سات دہشت گردوں کو جہنم رسید کر دیا۔
فوجی ترجمان کے مطابق، سکیورٹی فورسز نے انٹیلیجنس کی بنیاد پر علاقے میں کلیرنس آپریشن کا آغاز کیا۔ شدید فائرنگ کے تبادلے کے دوران سات دہشت گرد مارے گئے جبکہ ان کے قبضے سے اسلحہ اور دھماکہ خیز مواد بھی برآمد کیا گیا۔
اس آپریشن کے دوران وطن کے پانچ بہادر سپوتوں نے جامِ شہادت نوش کیا۔ شہداء میں میجر توصیف احمد بھٹی (پاکپتن)، نائیک فدا حسین (سکھر)، سپاہی ذاکر حسین (سکردو)، سپاہی سہیل احمد (خانیوال) اور سپاہی محمد ایاز (رحیم یار خان) شامل ہیں۔
سکیورٹی فورسز علاقے میں کسی بھی دوسری مشکوک نقل و حرکت کو ختم کرنے کے لیے آپریشن جاری رکھے ہوئے ہیں۔ عزمِ استحکام کے تحت جاری یہ آپریشن ملک سے غیر ملکی حمایت یافتہ دہشت گردی کی لعنت کو مکمل طور پر ختم کرنے کے لیے پوری قوت کے ساتھ جاری رہے گا۔