کوئٹہ دھماکہ: محسن نقوی اور میر سرفراز بگٹی کی زیرِ صدارت اعلیٰ سطحی سیکیورٹی اجلاس، آئی جی بلوچستان کی ابتدائی رپورٹ پیش
کوئٹہ کے علاقے چمن پھاٹک کے قریب خودکش دھماکے کے بعد وفاقی وزیر داخلہ محسن نقوی اور وزیراعلیٰ بلوچستان میر سرفراز بگٹی نے اعلیٰ سطحی سیکیورٹی اجلاس کی مشترکہ صدارت کی، جس میں آئی جی بلوچستان نے حملے سے متعلق ابتدائی تحقیقاتی رپورٹ پیش کی۔
اجلاس میں شہداء کیلئے دعا اور متاثرہ خاندانوں سے اظہارِ ہمدردی کیا گیا، جبکہ سیکیورٹی اداروں کو دہشتگردوں اور ان کے سہولت کاروں کے خلاف کارروائیاں مزید تیز کرنے کی ہدایت دی گئی۔
وفاقی وزیر داخلہ محسن نقوی نے کہا کہ وفاقی حکومت اس مشکل وقت میں بلوچستان حکومت اور عوام کے ساتھ کھڑی ہے، جبکہ وزیراعلیٰ میر سرفراز بگٹی نے عزم ظاہر کیا کہ دہشتگرد نیٹ ورکس کو منطقی انجام تک پہنچایا جائے گا۔