عید الاضحیٰ پر عوام کو ریلیف، پیٹرول اور ڈیزل کی قیمتوں میں کمی

 اسلام آباد( کامرس ڈیسک)حکومت نے عید الاضحیٰ کے موقع پر عوام کو ریلیف دیتے ہوئے پیٹرولیم مصنوعات کی قیمتوں میں کمی کا اعلان کیا ہے۔اعلان کے مطابق پیٹرول کی قیمت میں فی لیٹر چھ روپے جبکہ ڈیزل کی قیمت میں چھ روپے اسی پیسے کمی کی گئی ہے۔ذرائع کے مطابق عالمی منڈی میں تیل کی قیمتوں میں اتار چڑھاؤ کے باوجود مقامی سطح پر قیمتوں میں کمی کا فیصلہ کیا گیا ہے تاکہ عوام کو ریلیف فراہم کیا جا سکے۔نئی قیمتوں کا اطلاق رات بارہ بجے کے بعد ہوگا جبکہ اس حوالے سے باضابطہ نوٹیفکیشن بھی جاری کیا جائے گا۔واضح رہے کہ اس سے قبل بھی حکومت کی جانب سے پیٹرولیم مصنوعات کی قیمتوں میں کمی کی گئی تھی۔