پاپائے روم کا ایران امریکا کشیدگی پر مذاکرات اور امن کے فروغ پر زور

روم ( مانیٹرنگ ڈیسک)روم میں پاپائے روم لیو چہاردہم نے امریکا اور ایران کے درمیان جاری کشیدگی کے خاتمے کے لیے امن مذاکرات جاری رکھنے پر زور دیا ہے۔انہوں نے کہا کہ یہ تنازع بے شمار بے گناہ افراد کی زندگیوں کو متاثر کر رہا ہے، اور اس کا حل صرف بات چیت اور مکالمے کے ذریعے ہی ممکن ہے۔ پوپ نے تمام فریقین پر زور دیا کہ وہ جنگ کے بجائے بین الاقوامی قوانین کے احترام اور امن کے فروغ کے لیے کوشش کریں۔یہ بیان ایسے وقت میں سامنے آیا ہے جب امریکی صدر ڈونلڈ ٹرمپ کی جانب سے پوپ کے بیانات پر تنقید کی گئی تھی، جبکہ پاپائے روم پہلے بھی ایران اور خطے میں فوجی کارروائیوں پر تشویش ظاہر کرتے رہے ہیں۔پوپ نے اپنی گفتگو میں کہا کہ دنیا کو نفرت اور تقسیم کے بجائے امن اور انسانیت پر مبنی حل تلاش کرنے چاہئیں۔ انہوں نے مہاجرین اور پناہ گزینوں کے ساتھ ناروا سلوک پر بھی تشویش کا اظہار کیا اور کہا کہ انہیں انسانی ہمدردی کے ساتھ برتاؤ کا حق حاصل ہے۔انہوں نے امیر ممالک سے اپیل کی کہ وہ غریب ممالک کی ترقی میں کردار ادا کریں تاکہ لوگ بہتر زندگی کی تلاش میں ہجرت پر مجبور نہ ہوں۔