ایران میں جاسوسی کے الزام میں شخص کو سزائے موت دیدی گئی

تہران( مانیٹرنگ ڈیسک) ایران میں کالعدم تنظیم سے تعلق رکھنے والے ایک شخص کو اسرائیل کے لیے جاسوسی کے الزام میں سزائے موت دے دی گئی ہے۔ایرانی عدلیہ کے مطابق سلطان علی شیرزادی کو دہشت گرد گروپ پیپلز مجاہدین خلق آرگنائزیشن کی رکنیت اور اسرائیلی انٹیلی جنس ایجنسی کے لیے کام کرنے کے جرم میں پھانسی دی گئی۔عدالتی بیان میں کہا گیا ہے کہ مجرم پر ایران کے خلاف کارروائیوں میں حصہ لینے کا بھی الزام تھا۔بیان کے مطابق مجاہدین خلق پر حالیہ برسوں میں غیر ملکی انٹیلی جنس اداروں کے لیے پراکسی کے طور پر کام کرنے اور ایران میں مختلف حملوں میں ملوث ہونے کے الزامات عائد کیے جاتے رہے ہیں، جن میں بعض سائنسدانوں اور شہریوں کے قتل کے واقعات بھی شامل ہیں۔