مدینہ منورہ(مانیٹرنگ ڈیسک) پاکستانی عازمین حج کے ابتدائی قافلے مسجد نبوی ﷺ اور ریاض الجنہ پہنچ گئے ہیں جہاں انہوں نے نوافل کی ادائیگی اور روضہ رسول ﷺ پر حاضری دی۔عرب میڈیا کے مطابق پاکستانی عازمین حج مدینہ منورہ پہنچنے کے بعد ریاض الجنہ میں عبادات میں مصروف رہے اور روحانی لمحات سے فیضیاب ہوئے۔وزارت مذہبی امور پاکستان کے مطابق یہ عازمین حج اٹھارہ اپریل سے شروع ہونے والی حج پروازوں کے ذریعے سب سے پہلے مدینہ منورہ پہنچے ہیں۔سعودی وزارت حج کے مطابق مسجد نبوی ﷺ میں حاضری کے لیے مختلف ممالک کے عازمین کے لیے الگ الگ شیڈول ترتیب دیا گیا ہے تاکہ تمام حجاج کو منظم انداز میں عبادات کی ادائیگی کا موقع فراہم کیا جا سکے۔
