پہلگام واقعے کے بعد بھارتی میڈیا کے بیانیہ صر ف پر اپیگنڈا ہے: عوامی حلقے

راولپنڈی ( بلو چستان خبر) مختلف حلقوں کی جانب سے پہلگام واقعے کے بعد بھارتی میڈیا کے کردار پر شدید تنقید کی گئی ہے۔رپورٹ کے مطابق واقعے کے فوراً بعد بھارتی میڈیا پر پاکستان کے خلاف بغیر شواہد بیانیہ سامنے آیا، جس میں مختلف دعوے اور الزامات پیش کیے گئے۔ اس دوران بعض پروگراموں میں صورتحال کو جنگی رنگ دے کر پیش کرنے کی کوشش بھی کی گئی۔عالمی ماہرین کے مطابق ایسے بیانیے خطے میں کشیدگی میں اضافہ کر سکتے ہیں، جبکہ حقائق کے بجائے جذباتی اور سنسنی خیز انداز رپورٹنگ سے صورتحال مزید پیچیدہ ہو جاتی ہے۔رپورٹ میں یہ بھی کہا گیا ہے کہ واقعے کے بعد بھارتی میڈیا میں مختلف تجزیوں اور تبصروں کے ذریعے سخت مؤقف اپنایا گیا، تاہم آزاد ذرائع سے ان دعوؤں کی تصدیق نہیں ہو سکی۔ماہرین کے مطابق حساس معاملات میں ذمہ دارانہ رپورٹنگ خطے میں امن و استحکام کے لیے ضروری ہے۔