الرٹ' جاری
اسلام آباد: قومی و عسکری قیادت کی خصوصی ہدایات پر نیشنل ڈیزاسٹر مینجمنٹ اتھارٹی کے ہیڈ کوارٹرز میں 'قومی مون سون کانفرنس' کا انعقاد کیا گیا۔ کانفرنس کا بنیادی مقصد جون تا ستمبر 2026 کے دوران متوقع غیر متوازن بارشوں اور قدرتی آفات سے نمٹنے کے لیے وفاقی و صوبائی اداروں کے درمیان رابطہ کاری کو حتمی شکل دینا تھا۔
این ای او سی کی پیش گوئی: غیر متوازن مون سون
نیشنل ایمرجنسی آپریشنز سینٹر نے ابتدائی وارننگ جاری کرتے ہوئے بتایا ہے کہ شدید بارشوں، مغربی ہواؤں اور گلیشیئرز پگھلنے کے باعث لینڈ سلائیڈنگ اور اچانک سیلاب کا خطرہ ہے۔مون سون کی آمد کے باوجود درجہ حرارت معمول سے زیادہ رہنے اور شدید ہیٹ ویو کا خدشہ ہے۔
مجموعی طور پر ملک میں بارشوں کا پیٹرن غیر متوازن رہنے کا امکان ہے۔
چیئرمین این ڈی ایم اے کی ہدایات
چیئرمین این ڈی ایم اے لیفٹیننٹ جنرل انعام حیدر ملک نے تمام متعلقہ اداروں کو ہدایت کی ہے کہ حساس علاقوں میں پیشگی انخلا اور ریلیف کیمپس کی منصوبہ بندی مکمل کی جائے۔
مقامی فلاحی اداروں، رضاکاروں اور سول سوسائٹی کو ضلعی سطح پر فعال کیا جائے۔سیاحوں کی حفاظت اور اہم انفراسٹرکچر کے تحفظ کے لیے الرٹس کو یقینی بنایا جائے۔
مشترکہ قومی حکمت عملی
کانفرنس میں پی ڈی ایم ایز ، مسلح افواج، این ایچ اے، واپڈا اور محکمہ موسمیات کے نمائندوں نے شرکت کی۔ تمام اداروں نے ریسکیو آلات، مشینری اور ریلیف اسٹاک کی دستیابی یقینی بنانے اور مربوط قومی حکمت عملی کے تحت تعاون جاری رکھنے کے عزم کا اعادہ کیا۔