قصور: معرکہ حق اور آپریشن بیان المرصوص میں تاریخی فتح کا ایک سال مکمل ہونے پر گنڈا سنگھ بارڈر پر ایک پُوقار اور پرجوش تقریب کا انعقاد کیا گیا۔ اس موقع پر ہزاروں شہریوں نے قومی جذبے کے ساتھ شرکت کر کے افواجِ پاکستان کو خراجِ تحسین پیش کیا۔
عوامی سمندر اور قومی نعرے
تقریب میں زندگی کے ہر شعبے سے تعلق رکھنے والے افراد، بشمول طلبہ، اساتذہ، وکلاء اور سرکاری ملازمین نے بڑی تعداد میں شرکت کی۔ شرکاء نے سبز ہلالی پرچم تھامے ہوئے پاک فوج کے حق میں فلک شگاف نعرے لگائے، جس سے سرحد کی فضا گونج اٹھی۔
عسکری قیادت پر فخر کا اظہار
تقریب میں موجود شہریوں کا کہنا تھا کہ بھارت کے خلاف معرکہ حق میں حاصل ہونے والی کامیابی کو دنیا ہمیشہ یاد رکھے گی۔ شرکاء نے پنجاب رینجرز کے جوانوں کی حوصلہ افزائی کی اور اس عزم کا اظہار کیا کہ قوم اپنی عسکری قیادت کے شانہ بشانہ کھڑی ہے۔ ان کا مزید کہنا تھا کہ آج پاکستان کو اقوامِ عالم میں جو اہم مقام حاصل ہے، وہ ہماری مسلح افواج کی قربانیوں اور بہترین حکمتِ عملی کا نتیجہ ہے۔
معرکہ حق کا ایک سال مکمل ہونے پر عوام کا یہ تروتازہ جوش و جذبہ پاک فوج اور عوام کے درمیان غیر متزلزل بندھن کی عکاسی کرتا ہے۔