کراچی تجاوزات کیس، وفاقی آئینی عدالت نے سماعت 30 اپریل کو مقرر کر دی

اسلام آباد (بلو چستان خبر) وفاقی آئینی عدالت نے کراچی میں تجاوزات کے خاتمے سے متعلق کیس کو سماعت کے لیے مقرر کر دیا ہے۔عدالتی ذرائع کے مطابق اس کیس کے ساتھ صوبائی رہنما سعید غنی کے خلاف دائر توہین عدالت کی درخواست بھی سماعت کے لیے شامل کی گئی ہے۔ یہ درخواست 2019 میں مبینہ حکم عدولی کے الزام پر دائر کی گئی تھی۔کیس کی سماعت جسٹس عامر فاروق کی سربراہی میں دو رکنی بینچ 30 اپریل کو کرے گا۔ عدالت کی جانب سے تمام متعلقہ فریقین کو نوٹسز جاری کر دیے گئے ہیں۔واضح رہے کہ کراچی میں تجاوزات کے خاتمے سے متعلق یہ کیس گزشتہ کئی برسوں سے زیر سماعت ہے، جس میں مختلف اداروں کی کارکردگی کا بھی جائزہ لیا جا رہا ہے۔