کوئٹہ: دہشتگرد تنظیم بی ایل اے کے مبینہ حملے میں صحافی جنید بلوچ شدید زخمی ہوگئے۔ اطلاعات کے مطابق حملہ آور انہیں مردہ سمجھ کر موقع سے فرار ہوگئے جبکہ جاتے ہوئے ان کا موبائل فون اور دیگر قیمتی اشیاء بھی ساتھ لے گئے۔
ذرائع کے مطابق جنید بلوچ کو تشویشناک حالت میں اسپتال منتقل کیا گیا جہاں وہ اس وقت آئی سی یو میں زیرِ علاج ہیں۔
صحافی برادری اور مختلف حلقوں کی جانب سے واقعے کی شدید مذمت کی جا رہی ہے جبکہ جنید بلوچ کی جلد صحتیابی کیلئے دعاؤں کی اپیل بھی کی گئی ہے۔