آئی ایم ایف پروگرام، پاکستان نے 17 میں سے 13 اہداف حاصل کر لیے

اسلام آباد( کامرس ڈیسک) پاکستان نے آئی ایم ایف قرض پروگرام کے تحت دسمبر 2025 تک مقرر کردہ 17 میں سے 13 مقداری اہداف حاصل کر لیے ہیں، جبکہ 2 اہداف مکمل نہیں ہو سکے اور 2 سے متعلق ڈیٹا فراہم نہیں کیا جا سکا۔ذرائع کے مطابق ایف بی آر ریٹیلرز سے انکم ٹیکس وصولیوں اور 5 لاکھ نئے ٹیکس فائلرز کے ہدف سے متعلق مطلوبہ معلومات فراہم کرنے میں ناکام رہا۔ آئی ایم ایف اسٹاف نے اپنی رپورٹ ایگزیکٹو بورڈ کو پیش کر دی ہے جس کی بنیاد پر مئی 2026 میں 1.2 ارب ڈالر کی قسط کی منظوری متوقع ہے۔رپورٹ کے مطابق اسٹیٹ بینک کے خالص بین الاقوامی ذخائر سمیت دیگر مالیاتی اہداف کامیابی سے حاصل کر لیے گئے ہیں، جبکہ حکومتی بنیادی بجٹ خسارہ، ضمانتیں اور صوبائی ٹیکس وصولیوں کے اہداف بھی مقررہ حد میں رہے۔دوسری جانب بعض مالیاتی اہداف کی تکمیل کے لیے مزید وقت دیا گیا ہے اور اگلے مرحلے میں جون 2026 تک اضافی اہداف مقرر کیے گئے ہیں، جن پر عملدرآمد جاری ہے۔